पुणे प्रतिनिधी

बीड जिल्ह्यातील मस्साजोग गावचे सरपंच संतोष देशमुख यांची हत्या करण्यात आली.आणि त्यानंतर बीड जिल्ह्यातील राजकारण आणि समाजकारण दोन्हीही ढवळून निघाले आहे. पंधरा दिवसापेक्षा जास्त कालावधी उलटूनही अद्यापही देशमुख यांचे मारेकरी सापडले नाहीत. या मारेकरांचा मुख्य सूत्रधार वाल्मीक कराड आहे का? हा प्रश्न उपस्थित झाला असताना आज वाल्मीक कराड सीआयडीकडे पुणे येथे हजर झाले आहेत

वाल्मीक कराड हेच मयत संतोष देशमुख यांचे मारेकरी आहेत का? जनता विचारते आहे? कारण आमदार सुरेश धस यांनी अप्रत्यक्षरीत्या वाल्मीक कराड यांच्यावरच आरोप केले आहेत. मात्र वाल्मीक कराड यांच्यावर पोलिस स्टेशनला फक्त खंडणीचा गुन्हा दाखल आहे.

त्यामुळे संतोष देशमुख यांच्या खुनाशी संबंध नाही. असा बीडमधील एक मतप्रवाह आहे. तर दुसरा मतप्रवाह वाल्मीक कराड हेच या खुनाचे सूत्रधार आहेत .आणि त्यामुळेच ते पोलिसांपासून दूर पळत होते असा आहे .

आज वाल्मीक कराड यांनी पुणे शहरात सीआयडी कार्यालयात स्वतः आत्मसमर्पण केलेले आहे. त्यामुळे महाराष्ट्रातील गृह विभाग वाल्मीक कराड यांची कसून चौकशी करून संतोष देशमुख यांचे यांच्या खुनातील मुख्य सूत्रधार आहेत का याचा शोध घेतील आणि वाल्मीक कराड यांच्यावर दाखल असलेली खंडणीचा गुन्हा याबाबतही चौकशी करून पोलीस वाल्मीकरांवर योग्य ती कारवाई करतीलच अशी अपेक्षा बाळगू या..

वाल्मीक कराड याला सापडणं पोलिसांना का शक्य झालं नाही??
*सरकारमधील काही मंत्र्यांनी वाल्मीक कराडला जाणीवपूर्वक पोलिसांपासून दूर ठेवले का?

*मयत सरपंच संतोष देशमुख यांचे कुटुंब न्यायालयात गेल्याने वाल्मीक कराड पोलिसात हजर झाला आहेत का?
*आणि संतोष देशमुख यांना मृत्यूनंतर ही न्याय मिळेल का? यावर या प्रश्नांची उत्तरे मिळवण्यासाठी पुढील काळात आपणाला वाटच पहावी लागेल…

बीड: प्रतिनिधी

राज्यात खळबळ उडवणाऱ्या बीड मधील संतोष देशमुख हत्या प्रकरणी आता महत्त्वाचे अपडेट पुढे आले आहे या प्रकरणात हत्येचा आरोप असलेला वाल्मीक कराड पुण्यात असल्याची माहिती आहे. वाल्मीक कराडच्या शोधात सीआयडी कडे महत्त्वपूर्ण धागेदोरे लागले आहेत. तांत्रिक विश्लेषणात वाल्मीक कराडचं शेवटचं लोकेशन सीआयडी च्या हाती लागल आहे .

सूत्रांनी दिलेल्या माहितीनुसार फरार होण्यापूर्वी वाल्मीक कराड पुण्यात वास्तव्यास होता 17 डिसेंबरला वाल्मीक कराड याचे शेवटचे ॲक्टिव्ह मोबाईल लोकेशन पुण्यात दाखवल आहे. त्यानंतर त्याने त्याचा मोबाईल बंद केला आहे. पुण्यात मोबाईल बंद करून तो फरार झाल्याची शक्यता वर्तवण्यात येत आहे. बीडच्या मस्साजोकचे (ता. केज) सरपंच संतोष देशमुख यांचे 9 डिसेंबर रोजी अपहरण करून त्यांची निर्घृण हत्या करण्यात आली होती या प्रकरणी केज पोलीस ठाण्यात सात जणांवर गुन्हा नोंदवण्यात आला होता. या हत्या प्रकरणात वाल्मीक कराड मुख्य सूत्रधार असल्याचा आरोप विरोधकांकडून केला जातो आहे.

दरम्यान संतोष देशमुख हत्या प्रकरणावरून राज्यातील राजकीय वातावरणही चांगलेच तापले आहे. या प्रकरणातील आरोपींना अद्याप अटक न झाल्यामुळे गृहमंत्री देवेंद्र फडणवीस यांना विरोधकांकडून घेरण्यात आला आहे, तसेच वाल्मीक कराडचा मंत्री धनंजय मुंडे यांच्याशी जवळचा संबंध असल्यामुळे त्यांना ही लक्ष्य करण्यात येत आहे. वाल्मीक कराड हा परळी नगर परिषदेचा माजी नगरसेवक व उपनगराध्यक्ष माजी गटनेता आहे. तो मंत्री धनंजय मुंडे यांचा कट्टर समर्थक म्हणून ओळखला जातो गेल्या दहा वर्षांपासून परळी मतदारसंघातील राजकीय व्यवस्थापनाची जबाबदारी कराड सांभाळत असल्याचं सांगितलं जात आहे .

वाल्मीक कराड याच्यावर गंभीर गुन्हे दाखल आहेत तसेच वाल्मीक कराडचे अनेक नेत्यांबरोबरही फोटो आहेत ज्यात सध्याचे मुख्यमंत्री देवेंद्र फडणवीस आणि उपमुख्यमंत्री अजित पवार व उपमुख्यमंत्री एकनाथ शिंदे व शरदचंद्र पवार यांच्यासह अन्य प्रमुख राजकीय नेत्यांचा समावेश आहे केज पोलीस ठाण्यात कराड विरोधात गुन्हा दाखल करण्यात आला आहे.

खासदार नीलेश लंके यांची माहीती

हिवाळी अधिवेशनात वेधले होते सरकारचे लक्ष

नगर : प्रतिनिधी

     नगर-पुणे या१२५किलोमिटर अंतराच्या रेल्वेमार्गाच्या सर्वेक्षणास केंद्रीय रेल्वे मंत्रालयाने मान्यता दिल्याची माहीती खासदार नीलेश लंके यांनी दिली. नगर-पुणे इंटरसिटी ट्रेन सुरू करण्यासंदर्भात खा. लंके यांनी संसदेच्या हिवाळी अधिवेशनात सरकारचे लक्ष वेधले होते. त्याची दखल घेत या रेल्वेमार्गाचे सर्वेक्षण करण्यास रेल्वे मंत्रालयाने मान्यता दिली आहे. 

     संसदेमध्ये नगर-पुणे रेल्वे मार्गाची मागणी करताना खा. लंके यांनी नगर शहर व आजूबाजूच्या गावांतील तरूण, सरकारी कर्मचारी, व्यापारी, ज्येष्ठ नागरिक, विद्यार्थी,महिला यांसह मोठया संख्येने लोक काम, व्यवसाय, शासकीय सेवा आणि शिक्षणासाठी नगर ते पुणे दरम्यान नियमितपणे ये-जा करतात. या प्रवाशांना रस्त्याने प्रवास करताना विशेषतः प्रचंड वाहतूक कोंडी आणि बसेसमध्ये जास्त गर्दी यामुळे मोठया समस्यांचा सामना करावा लागतो. या समस्या सोडविण्यासाठी नगर ते पुणे दरम्यान इंटरसिटी रेल्वे सेवा सुरू करणे आवष्यक असल्याचे खा. लंके यांनी  संसदेत बोलताना स्पष्ट केले होते. 

     नगर-पुणे इंटरसिटी सेवा सुरू झाल्यास निःसंशयपणे दोन्ही शहरांमध्ये दररोज प्रवास करणाऱ्या  विविध 

श्रेणीतील प्रवशांना फायदा होईल. याशिवाय माल वाहतूक, बोगी वाहतुकीच्या उद्देशाने रेल्वेला जोडल्यास त्यातून रेल्वेस उत्पन्न मिळले. कारण नगर आणि परिसरातील अनेक व्यापारी पुण्यातून माल खरेदी करतात आणि त्यांच्या मालाची वाहतूक करण्यासाठी या सेवेचा वापर करू शकतात. त्यामुळे नगर-पुणे इंटरसिटी ट्रेन ट्रायल आणि रन तत्वावर सुरू करण्यात यावी अशी मागणी खा. लंके यांनी संसदेमध्ये केली होती.