राजगुरुनगर( प्रतिनिधी )

परभणी येथे संविधान प्रतीकृतीच्या झालेल्या विटंबनेचा व
त्यानंतर झालेल्या आंदोलनात आंदोलनकर्त्यावर प्रशासनाने केलेल्या भ्याड लाठीहल्ला व कोंबिंग ऑपरेशन विरोधात वंचित बहुजन आघाडीच्या वतीने पुणे जिल्ह्यातील राजगुरुनगर येथे पुणे नाशिक महामार्गावर रास्ता रोको करण्यात आला

वंचित बहुजन युवा आघाडीचे अध्यक्ष विक्रांत आल्हाट यांच्या नेतृत्वाखाली खेड तालुका कार्याध्यक्ष दत्ता कांबळे युवा तालुका अध्यक्ष दत्ता सोनवणे यांच्या मार्गदर्शनाखाली राजगुरुनगर येथे भव्य रास्ता रोको व निषेध सभा घेण्यात आली. परभणी येथील सरकार व पोलीस प्रशासन यांचा निषेध करण्यात आला.

यावेळी बोलताना दत्ता कांबळे सर्व नवनिर्वाचित आमदार व खासदार यांच्यावर प्रखर शब्दात टीका केली . काही आमदार
शपथ देताना जय भीम जय संविधान म्हणतात परंतु आत्ता मात्र सर्व मूग गिळून गप्प आहेत. परभणीच्या विषयावरती एकही आमदार खासदार बोलायला तयार नाही सर्व सत्ताधारी व विरोधकांच्या मुह मे राम बगल में सुरी ही वृत्ती आहे असे म्हणत जाहीर निषेध केला .
जिल्हा अध्यक्ष विक्रांत आल्हाट यांनी मुख्यमंत्री देवेंद्र फडणवीस यांच्यावर जातीयवादी असल्याची टीका करून मुख्यमंत्री यांना संविधान बदलून मनुस्मृती आणायची आहे का? असा प्रश्न उपस्थित केला.व मुख्यमंत्री यांच्यावर कडक शब्दात टीका केली.

जिल्हा युवा उपाध्यक्ष रवींद्र रांधवे म्हणाले एकी नसल्याने हे भ्याड हल्ले होत आहेत एकत्र येऊन बाळासाहेब आंबेडकरांचे हात बळकट करा व एकत्र येण्याचे त्यांनी आवाहन केले. खेड तालुका युवा अध्यक्ष दत्ता सोनवणे म्हणाले आम्ही रस्त्यावरती उतरतो त्यात आमचा स्वार्थ नाही तर आम्ही समाजासाठी काम करतो परंतु त्याला म्हणाव असा प्रतिसाद मिळत नाही खरंतर समाजाने हजारोनच्या संख्येने उपस्थित राहणे गरजेचे होते अशी खंत व्यक्त केली

उपाध्यक्ष दिनेश गोतारने काँग्रेसचे भास्कर तुळवे खेड पुतळा संवर्धन समितीचे अध्यक्ष अशोक कडलक यांनी आपल्या मनोगतातून जाहीर निषेध केला यावेळी अनेक कार्यकर्त्यांनी रस्त्यावरती उतरून रस्ता रोको करत परभणी येथे झालेल्या कृत्याचा जाहीर निषेध केला यावेळी शेकडो पदाधिकारी व कार्यकर्ते उपस्थित होते

मंचर प्रतिनिधी

शिरदाळे (ता. आंबेगाव ) येथे वृक्षवल्ली आम्हा सोयरे व समस्त ग्रामस्थ शिरदाळे यांनी आयोजित केलेली एकदिवसीय क्रिकेट संपन्न झाली.अखंड हरिनाम सप्ताह व चंपाषष्ठी उत्सवानिमित्त आयोजित करण्यात आलेल्या या स्पर्धेत सात संघांनी सहभाग घेतला लीग पद्धतीने ही स्पर्धा पार पडली.

सर्व संघांना संघमालकांद्वारे संघ देऊन त्यांना प्रोफेशनल क्रिकेट किट देण्यात आले होते.या स्पर्धेचा विजेता ठरलेला संघ होता हर्बल युनिक राउंडर्स गावठाण या संघाचे संघमालक होते हर्बल ग्रुपचे सर्वेसर्वा बिपीन चौधरी आणि स्वप्नील केरभाऊ तांबे,उपविजेता ठरलेला संघ होता ऑक्सिनाईल वॉटर फायटर्स या संघाचे मालक होते ऑक्सिनाईल वॉटर फिल्टरचे मालक योगेश तांबे,तृतीय क्रमांक मिळवलेला संघ होता सागदरा सुपर जायंट या संघाचे संघमालक होते वाघेश्वर डेअरीचे मालक दत्ता रणपिसे तर समर्थ पेंट्सचे मालक देविदास रणपिसे,चतुर्थ क्रमांक मिळवला तो शिकोबा टायगर्स या संघाने या संघाचे मालक होते उद्योजक अशोक काचोळे हे चार संघ बक्षीस पात्र ठरले.

स्पर्धेत इतरही तीन संघ सहभागी होते.सप्तशृंगी फायटर्स या संघाचे संघमालक होते महेश चौधरी व स्वप्नील तांबे. बुरुंजवाडा सुपर किंग संघाचे संघमालक होते,अशोक महादू तांबे स्पर्धेमध्ये शेवटचा संघ होता तो वनदेव नाईट रायडर्स या संघाचे संघमालक होते विशाल तांबे आणि गणेश सखाराम तांबे. आशा या सातही संघांना संघमालकांनी स्पॉन्सर केले होते.

गावातील तरुण सहकाऱ्यांनी या स्पर्धेला रोख स्वरूपात बक्षीस म्हणून रोख रक्कम दिली. खूप दिवसांनी गावामध्ये सर्व तरुणांनी एकत्र येत ही स्पर्धा यशस्वी केलेली आहे. या स्पर्धेच्या माध्यमातून गावातील लहान,तरुण वृद्ध एकत्र येऊन एकत्र हितगुज करताना दिसले .यातून गावचा एकोपा आणि गावचा उत्सव अधिक आनंददाई होण्यास मदत झाल्याची भावना शिरदाळे ग्रामस्थांनी व्यक्त केली

अकोले प्रतिनिधी

ईव्हीएम विरोधात वंचित बहुजन आघाडीनेही एल्गार पुकारला आहे. इ व्ही एम बंद करून बॅलेट पेपरवर मतदान घेण्यात यावे‌.ईव्हीएम वर बोलताना वंचित बहुजन आघाडीचे सर्वेसर्वा प्रकाश आंबेडकर यांनी विरोधकांवर निशाणा साधला आहे. सुप्रीम कोर्टाने जी याचिका खारीज केली ती न्यायाला धरून नसल्याचं त्यांनी म्हटलं आहे.

यावेळी बोलताना प्रकाश आंबेडकर म्हणाले, सुप्रीम कोर्टाला कुठली सिस्टीम लागू करावी किंवा लागू करू नये याबाबत अधिकार नसल्याचं त्यांनी म्हटलं आहे. तर नोंदणीकृत पक्षांना कुठली सिस्टीम पाहिजे किंवा नाही त्याबद्दल सुप्रीम कोर्टाने निर्णय दिला असता तर मी मान्य केले असते.असे आंबेडकर यांनी म्हटलं आहे.

तर काँग्रेसने देशव्यापी यात्रा काढण्याची अजिबात गरज नाही. पार्लमेंटने अनेक रस्ते पक्षांना मोकळे करून दिलेले आहेत. पाहिजे ती सिस्टीम ते वापरू शकतात. जर काँग्रेस ने सर्वांना बोलावलं नाही तर आम्ही पुढाकार घेऊ आणि सर्व पक्षांकडे पर्याय ठेऊ . अशी भुमिका आंबेडकर यांनी मांडली मतदार वाढी संदर्भात सुप्रीम कोर्टात जाणारे हे भाजपचे पिल्लू असल्याचे म्हटले आहे.

ईव्हीएम विरोधात एकत्र येण्यासाठी काँग्रेस ने पुढाकार नाही घेतला तर आम्ही पुढाकार घेऊ 10 तारखेपर्यंत वाट पाहू..?यावर चर्चा तरी करा असे आवाहन प्रकाश आंबेडकर यांनी केले आहे. तर महापरिनिर्वाण दिना मूळे रेल्वेने जे प्लॅटफॉर्म तिकीट बंद केले आहे .त्यावर प्रकाश आंबेडकर म्हणाले त्यांनी देशाचा मोठा रेव्हेन्यू बुडवला आहे