नगर (प्रतिनिधी): डॉ. विठ्ठलराव विखे पाटील कृषी महाविद्यालय, विळदघाट, अहिल्यानगर मध्ये डॉ. गंगाधर शास्त्री गुणे आयुर्वेदिक महाविद्यालय, अहिल्यानगर यांच्या संयुक्त विद्यमानाने कृषी महाविद्यालय विळदघाट मध्ये ‘देश का प्रकृती परिक्षण’ अभियान राबविण्यात आले. हा कार्यक्रम कृषी महाविद्यालयाचे प्राचार्य डॉ. मधुकर धोंडे यांच्या अध्यक्षतेखाली संपन्न झाला.

भारताचे पंतप्रधान नरेंद्र मोदी यांनी 25 नोव्हेंबर 2024 रोजी देश का प्रकृती परिक्षण अभियान सुरू केले असून या अभियानासंदर्भात आज दि. 17 डिसेंबर 2024 रोजी कृषी महाविद्यालयात 18 पेक्षा जास्त वय असलेल्या विद्यार्थ्यांचे व कर्मचाऱ्यांचे प्रकृती परिक्षण करण्यात आले. या कार्यक्रमाच्या अध्यक्षस्थानी महाविद्यालयाचे प्राचार्य डॉ. मधुकर धोंडे होते. तसेच गंगाधर शास्त्री गुणे आयुर्वेदिक महाविद्यालयाचे प्राध्यापक डॉ. ए. टी. देशमुख, सहयोगी प्राध्यापक स्वास्थ्यवृत्त विभाग प्रमुख तसेच डॉ. यु. व्ही. सलगरे (पाटील), रचना शारीरिक विभाग प्रमुख, कृषी महाविद्यालयाचे उपप्राचार्य डॉ. एस. बी. राऊत, रोसेयो कार्यक्रम अधिकारी प्रा. के. एस. दांगडे, डॉ. एम. एस. अनारसे, डॉ. डी. एम. नलावडे, प्रा. एस. बी. डमाळ उपस्थित होते.

यावेळी डॉ. ए. टी. देशमुख यांनी मानवी प्रकृती विषयी सखोल मार्गदर्शन केले. तसेच डॉ. यु. व्ही. सलगरे यांनी प्रकृती परिक्षण ॲप विषयी माहिती दिली व‌ डाऊनलोड झालेल्या ॲपचे आयुर्वेद महाविद्यालयाच्या विद्यार्थ्यांद्वारे प्रकृती परिक्षण पूर्ण करण्यात आले. यावेळी डॉ. मधुकर धोंडे यांनी महाविद्यालयातील जास्तीत जास्त विद्यार्थी व कर्मचाऱ्यांनी या अभियानात सहभागी होवून आपल्या प्रकृतीचे परिक्षण करुन घ्यावे असे आवाहन केले आणि योग्य ते मार्गदर्शन करून अभियानास शुभेच्छा दिल्या. या अभियानासाठी महाविद्यालयातील विद्यार्थी व कर्मचारी मोठ्या संख्येने उपस्थित होते. कार्यक्रमाचे सूत्रसंचालन डॉ. एम. एस. अनारसे यांनी केले.

राजगुरुनगर( प्रतिनिधी )

परभणी येथे संविधान प्रतीकृतीच्या झालेल्या विटंबनेचा व
त्यानंतर झालेल्या आंदोलनात आंदोलनकर्त्यावर प्रशासनाने केलेल्या भ्याड लाठीहल्ला व कोंबिंग ऑपरेशन विरोधात वंचित बहुजन आघाडीच्या वतीने पुणे जिल्ह्यातील राजगुरुनगर येथे पुणे नाशिक महामार्गावर रास्ता रोको करण्यात आला

वंचित बहुजन युवा आघाडीचे अध्यक्ष विक्रांत आल्हाट यांच्या नेतृत्वाखाली खेड तालुका कार्याध्यक्ष दत्ता कांबळे युवा तालुका अध्यक्ष दत्ता सोनवणे यांच्या मार्गदर्शनाखाली राजगुरुनगर येथे भव्य रास्ता रोको व निषेध सभा घेण्यात आली. परभणी येथील सरकार व पोलीस प्रशासन यांचा निषेध करण्यात आला.

यावेळी बोलताना दत्ता कांबळे सर्व नवनिर्वाचित आमदार व खासदार यांच्यावर प्रखर शब्दात टीका केली . काही आमदार
शपथ देताना जय भीम जय संविधान म्हणतात परंतु आत्ता मात्र सर्व मूग गिळून गप्प आहेत. परभणीच्या विषयावरती एकही आमदार खासदार बोलायला तयार नाही सर्व सत्ताधारी व विरोधकांच्या मुह मे राम बगल में सुरी ही वृत्ती आहे असे म्हणत जाहीर निषेध केला .
जिल्हा अध्यक्ष विक्रांत आल्हाट यांनी मुख्यमंत्री देवेंद्र फडणवीस यांच्यावर जातीयवादी असल्याची टीका करून मुख्यमंत्री यांना संविधान बदलून मनुस्मृती आणायची आहे का? असा प्रश्न उपस्थित केला.व मुख्यमंत्री यांच्यावर कडक शब्दात टीका केली.

जिल्हा युवा उपाध्यक्ष रवींद्र रांधवे म्हणाले एकी नसल्याने हे भ्याड हल्ले होत आहेत एकत्र येऊन बाळासाहेब आंबेडकरांचे हात बळकट करा व एकत्र येण्याचे त्यांनी आवाहन केले. खेड तालुका युवा अध्यक्ष दत्ता सोनवणे म्हणाले आम्ही रस्त्यावरती उतरतो त्यात आमचा स्वार्थ नाही तर आम्ही समाजासाठी काम करतो परंतु त्याला म्हणाव असा प्रतिसाद मिळत नाही खरंतर समाजाने हजारोनच्या संख्येने उपस्थित राहणे गरजेचे होते अशी खंत व्यक्त केली

उपाध्यक्ष दिनेश गोतारने काँग्रेसचे भास्कर तुळवे खेड पुतळा संवर्धन समितीचे अध्यक्ष अशोक कडलक यांनी आपल्या मनोगतातून जाहीर निषेध केला यावेळी अनेक कार्यकर्त्यांनी रस्त्यावरती उतरून रस्ता रोको करत परभणी येथे झालेल्या कृत्याचा जाहीर निषेध केला यावेळी शेकडो पदाधिकारी व कार्यकर्ते उपस्थित होते

मंचर प्रतिनिधी

दि.०६/१२/२०२४. निरगुडसर (ता. आंबेगाव ) येथे पंडित जवाहरलाल नेहरू माध्यमिक व दत्तात्रय गोविंदराव वळसे पाटील उच्च माध्यमिक विद्यालय येथे मॅजिक बस इंडिया फौंडेशन व नेस्ले हेल्दी किड्स यांच्या माध्यमातून आंतरराष्ट्रीय स्वयंसेवक दिन साजरा करण्यात आला

. ५ डिसेंबर हा आंतरराष्ट्रीय स्वयंसेवक दिन म्हणून साजरा केला जातो.येथील विद्यालयात मॅजिक बस व नेस्ले हेल्दी किड्स यांच्या संयुक्त विद्यमाने आंतरराष्ट्रीय स्वयंसेवक दिन साजरा करण्यात आला.यामध्ये सुरवातीला विद्यार्थ्यांना विद्यालयाचे प्राचार्य कांताराम टाव्हरे यांनी मार्गदर्शन केले.

तसेच मॅजिक बस तर्फे वस्वयंसेवकांना समाजसेवेचे धडे देण्यात आले.त्यानंतर विद्यालयाचे विद्यार्थी उच्च माध्यमिक विद्यालयातील स्वयंसेवक व गावातील स्वयंसेवकांनी विद्यालयीन परिसर तसेच गावातील परिसर स्वच्छ करून कचऱ्याचे व्यस्थापन करत श्रमदान केले कार्यक्रमात सहभागी विद्यार्थ्यांना सहभागी प्रमाणपत्र वाटण्यात आले

. उपक्रम राबविण्यासाठी विद्यालयाचे प्राचार्य कांताराम टाव्हरे, पर्यवेक्षक संतोष वळसे, प्रा. अरूण गोरडे,प्रा.श्वेता डोके, संपत पवार, कचरदास जाधव, दूंधा ढवळे, संजय गफले आदींचे मोलाचे सहकार्य लाभले. तसेच कार्यक्रम यशस्वीतेसाठी मॅजिक बसचे प्रतिनिधी पूजा गुंडाल,धनश्री सुर्वे ,शुभम मिसाळ आदींनी परिश्रम घेतले.

या प्रसंगी संस्थेचे तालुका समन्वयक प्रवीण थोरात , रविंद्र शेळके आदी उपस्थित होते. _

: निरगुडसर (ता.आंबेगाव ) येथील विद्यालयात आंतरराष्ट्रीय स्वयंसेवक दिन साजरा करण्यात आला. ____________