लोणी दि.९ प्रतिनिधी

केंद्रीय गृह तथा सहकार मंत्री अमित शहा यांची जलसंपदा मंत्री राधाकृष्ण विखे पाटील यांची सदिच्छा भेट घेतली.राज्यात नव्याने स्थापन झालेल्या महायुती सरकार मध्ये मंत्री पदाची संधी मिळाल्यानंतर विखे पाटील यांची पहीलीच भेट होती.शिर्डी विमानतळावरून नाईट लॅण्डीग सुविधा तातडीने सुरू करण्याची तसेच नदीजोड प्रकल्पासाठी निधी उपलब्ध करून देण्याची विनंती मंत्री विखे पाटील यांनी केली आहे. डॉ सुजय विखे पाटील याप्रसंगी उपस्थित होते.

मागील अडीच वर्षात महायुती सरकारने सामान्य नागरीकांसाठी यशस्वीपणे राबवलेल्या योजनांना जनतेचे मोठे पाठबळ मिळाले असल्याचे सांगतानाच महसूल व दुग्ध व्यवसाय विकास विभागाने घेतलेल्या महत्वपूर्ण निर्णय व कार्यान्वित झालेल्या योजनांची माहीती मंत्री विखे पाटील यांनी भेटीत झालेल्या चर्चे दरम्यान दिली.

विधानसभा निवडणुकीत महायुतीला मिळालेले यश आणि अहील्यानगर मधील दहा विधानसभा मतदारसंघात मिळालेल्या यशाच्या पार्श्वभूमीवर
मंत्री अमित शहा आणि राधाकृष्ण विखे पाटील यांच्यात सविस्तर चर्चा झाली.या भेटी दरम्यान डॉ.सुजय विखे पाटील उपस्थित होते.

महायुती सरकार मध्ये पुन्हा मंत्री पदाची संधी दिल्याबद्दल मंत्री विखे पाटील यांनी केंद्रीय मंत्री
अमित शहा यांचे आभार मानले असून, पंतप्रधान नरेंद्र मोदी यांच्या महत्त्वाकांक्षी आशा नदीजोड प्रकल्पाची यशस्वी अंमलबजावणी करण्यासाठी निधीची उपलब्धता करून देण्याची विनंती मंत्री विखे पाटील यांनी केली आहे.

शिर्डी विमानतळावरून नाईट लॅण्डीग सुविधा सुरू करण्याबाबत केलेल्या विनंतीला सकारात्मक प्रतिसाद देवून आजच केंद्रीय सुरक्षा दलाचे मनुष्यबळ उपलब्ध करून देवून पुढील काही दिवसांत नाइट लॅण्डीग सुविधा सुरू करण्याची ग्वाही मंत्री अमित शहा यांनी दिली असल्याचे मंत्री विखे पाटील यांनी सांगितले.

पुणे:प्रतिनिधी

अजित पवार यांच्या राष्ट्रवादी हडपसर विधानसभा मतदार संघाचे आमदार चेतन तुपे हे शरद पवार यांच्या पुण्यातील मोदीबाग या निवासस्थानी त्यांना भेटण्यासाठी आले होते. या भेटीनंतर चेतन तुपे यांनी केलेल्या वक्तव्याची जोरदार चर्चा सुरू झाली आहे. सगळ्या महाराष्ट्राची जी इच्छा आहे ते दोन्ही पवार करतील असे चेतन तुपे हे शरद पवार यांच्या भेटीनंतर बोलल्याने पुन्हा एकदा दोन्ही पवार एक होणार का ? ही चर्चा सुरू झाली आहे.

चेतन तुपे आज रयत शिक्षण संस्थेच्या कामासाठी शरद पवार यांना भेटण्यासाठी आले होते, त्यानंतर त्यांनी हे वक्तव्य केलं आहे. शरद पवारांच्या भेटीनंतर चेतन तुपे म्हणाले साहेब आमच्या सर्वांचेच आहेत, साहेब आमच्या घरातील व्यक्ती असल्यासारखे आहेत कायम राजकारण हा विषय नसतो साहेबांचे आणि माझे कौटुंबिक संबंध आहेत. त्यामुळे प्रत्येक गोष्टीला राजकारणाशी जोडू नये साहेबांच्या मार्गदर्शनाखाली माझे वडील विठ्ठल तुपे असतील किंवा अजित दादांचे नेतृत्वाखाली मी असेच शिकलो आहे.

की राजकारण हा केवळ एक महिन्यापुरता विषय असतो एवढा एक महिन्यापूर्वी राजकारण करायचं असतं आणि त्यानंतर विकासाच्या दृष्टीने पाऊल टाकायचं असतं. त्यामुळे साहेबांची माझ्या वडिलांची आणि दादांची जी शिकवण आहे. त्यानुसार प्रत्येक गोष्टीत आम्ही राजकारण पाहत नाही तर दोन राष्ट्रवादी एकत्र यावेत हा निर्णय मोठ्या पातळी वरचा आहे मी एक छोटा कार्यकर्ता आहे दोन्ही पवार नेहमी सांगतात एकमेकांना भेटतात वाढदिवसाच्या एकमेकांना शुभेच्छा देतात त्यामुळे सगळ्या महाराष्ट्राची इच्छा आहे ती ते करतील असे देखील तुपे म्हणाले आहे.

बीड: प्रतिनिधी

राज्यात खळबळ उडवणाऱ्या बीड मधील संतोष देशमुख हत्या प्रकरणी आता महत्त्वाचे अपडेट पुढे आले आहे या प्रकरणात हत्येचा आरोप असलेला वाल्मीक कराड पुण्यात असल्याची माहिती आहे. वाल्मीक कराडच्या शोधात सीआयडी कडे महत्त्वपूर्ण धागेदोरे लागले आहेत. तांत्रिक विश्लेषणात वाल्मीक कराडचं शेवटचं लोकेशन सीआयडी च्या हाती लागल आहे .

सूत्रांनी दिलेल्या माहितीनुसार फरार होण्यापूर्वी वाल्मीक कराड पुण्यात वास्तव्यास होता 17 डिसेंबरला वाल्मीक कराड याचे शेवटचे ॲक्टिव्ह मोबाईल लोकेशन पुण्यात दाखवल आहे. त्यानंतर त्याने त्याचा मोबाईल बंद केला आहे. पुण्यात मोबाईल बंद करून तो फरार झाल्याची शक्यता वर्तवण्यात येत आहे. बीडच्या मस्साजोकचे (ता. केज) सरपंच संतोष देशमुख यांचे 9 डिसेंबर रोजी अपहरण करून त्यांची निर्घृण हत्या करण्यात आली होती या प्रकरणी केज पोलीस ठाण्यात सात जणांवर गुन्हा नोंदवण्यात आला होता. या हत्या प्रकरणात वाल्मीक कराड मुख्य सूत्रधार असल्याचा आरोप विरोधकांकडून केला जातो आहे.

दरम्यान संतोष देशमुख हत्या प्रकरणावरून राज्यातील राजकीय वातावरणही चांगलेच तापले आहे. या प्रकरणातील आरोपींना अद्याप अटक न झाल्यामुळे गृहमंत्री देवेंद्र फडणवीस यांना विरोधकांकडून घेरण्यात आला आहे, तसेच वाल्मीक कराडचा मंत्री धनंजय मुंडे यांच्याशी जवळचा संबंध असल्यामुळे त्यांना ही लक्ष्य करण्यात येत आहे. वाल्मीक कराड हा परळी नगर परिषदेचा माजी नगरसेवक व उपनगराध्यक्ष माजी गटनेता आहे. तो मंत्री धनंजय मुंडे यांचा कट्टर समर्थक म्हणून ओळखला जातो गेल्या दहा वर्षांपासून परळी मतदारसंघातील राजकीय व्यवस्थापनाची जबाबदारी कराड सांभाळत असल्याचं सांगितलं जात आहे .

वाल्मीक कराड याच्यावर गंभीर गुन्हे दाखल आहेत तसेच वाल्मीक कराडचे अनेक नेत्यांबरोबरही फोटो आहेत ज्यात सध्याचे मुख्यमंत्री देवेंद्र फडणवीस आणि उपमुख्यमंत्री अजित पवार व उपमुख्यमंत्री एकनाथ शिंदे व शरदचंद्र पवार यांच्यासह अन्य प्रमुख राजकीय नेत्यांचा समावेश आहे केज पोलीस ठाण्यात कराड विरोधात गुन्हा दाखल करण्यात आला आहे.