मंचर प्रतिनिधी

महाराष्ट्र पोलिस दल स्थापनादिनाचे औचित्य साधून आंबेगाव तालुक्यातील पारगाव कारखाना पोलीस स्टेशनच्या वतीने २ ते ८ जानेवारी या कालावधीमध्ये महाराष्ट्र पोलिस वर्धापन सप्ताहाचे तसेच ‘रेजिंग डे’चे अनुषंगाने पंडित जवाहरलाल विद्यालय निरगुडसर, आदर्श विद्यालय जारकरवाडी, संगमेश्वर विद्यालय पारगाव, शिवाजी विद्यालय धामणी या विद्यालयामध्ये जाऊन विद्यार्थ्यांना सायबर, क्राईम, वाहतूक नियमन, महिला व बालकावरील अत्याचार, पोलीस खात्याची कार्यप्रणाली, डायल ११२ चे महत्व श्वनाचे कार्य याबाबत या विद्यालयातील विद्यार्थ्यांनी सविस्तर माहिती देण्यात आली . अशी माहिती सहाय्यक पोलीस निरीक्षक नेताजी गंधारे यांनी दिली.

या वेळी पोलिस सब इन्स्पेक्टर भाऊसाहेब लोकरे, पोलीस स्टेशनचा स्टाफ, डॉग स्कॉड (राधा आणि दुर्गा शाँन व हँन्डलर), बँन्ड पथक यांच्यासह. शालेय विद्यार्थी व शिक्षक उपस्थित होते.

मंचर

जवळे (ता.आंबेगाव ) येथील ऋषिकेश संजय खालकर याने आपल्या परिस्थितीवर मात करीत जिद्द व चिकाटी, मेहनतीच्या जोरावर सीएच्या (सनदी लेखापाल ) परिक्षेत यश मिळवले.पहिल्याच प्रयत्नात सीएची परिक्षा पास झाल्याबद्दल जवळे आणि निरगुडसर परिसरात त्याच्यावर अभिनंदनाचा वर्षाव होत आहे.लहानपनापासून अभ्यासात हुशार असलेल्या ऋषिकेशचे प्राथमिक शिक्षण जिल्हा परिषद जवळे व पुढील शिक्षण पंडीत जवाहरलाल नेहरू माध्यमिक व द.गो.वळसे पाटील उच्च माध्यमिक विद्यालय निरगुडसर येथे पूर्ण केले.

अकरावी, बारावी,बी.कॉम व एम.कॉमचे शिक्षण मराठवाडा मित्र मंडळ कॉलेज ऑफ कॉमर्स पुणे येथे झाले.एम.कॉम करत असतानाच त्याने सीएचा अभ्यास केला.आणि वयाच्या पंचविसाव्या वर्षी सीए होण्याचा मान मिळवून सीएला गवसणी घातली. व संपूर्ण देशात अवघड समजल्या जाणार्या सीएची परिक्षा उतीर्ण होऊन ग्रामिण भागातील विद्यार्थ्यांसमोर एक आदर्श ठेवला.ऋषिकेशचे वडील शेतकरी असून शेतीला मदत म्हणून गॅस वितरण व्यवसाय करत आहेत.

परस्थिती सर्वसाधारण असून सुद्धा मुलाला उच्च शिक्षण देण्याची त्यांची जिद्द होती आणि ती त्यांनी पूर्ण केली . यासाठी त्यांची पत्नी सुरेखा हिने सुद्धा मुलाला मोठे करण्यासाठी आपल्या पतीला मोलाची साथ दिली.    या यशाबद्दल ऋषिकेश म्हणाला कि पुण्याला बारामती हॉस्टेल येथे राहून बारा-बारा तास अभ्यास केला.अभ्यास करताना आईवडीलांचे कष्ट व घरची परिस्थिती डोळ्यासमोर ठेवून अभ्यास केला.व आई वडील, भाऊ चुलते संतोष खालकर यांचे स्वप्न पूर्ण केल्याचा निश्चित मोठा आनंद आहे. ऋषिकेशला मिळालेल्या यशाबद्दल माजी सहकार मंत्री दिलीप वळसे पाटील यांनी त्याचे अभिनंदन केले.

दिल्ली प्रतिनिधी
भारताचे माजी पंतप्रधान डॉ. मनमोहन सिंग यांनी आज दिल्ली येथे एम्स रुग्णालयात अखेरचा श्वास घेतला ते 92 वर्षाचे होते. एक अर्थतज्ञ म्हणून डॉ मनमोहन सिंग यांची जागतिक स्तरावर ख्याती होती भारताचे पंतप्रधान म्हणून काम करताना त्यांनी देशासमोर असणारी अनेक संकटे पेलवत भारतीय अर्थव्यवस्थेला बळकट करण्यासाठी महत्त्वाचे योगदान दिले

काँग्रेस पक्षातील मितभाषी नेते म्हणून डॉक्टर मनमोहन सिंग यांची ओळख होती . भारताचे माजी गव्हर्नर, नियोजन आयोगाचे अध्यक्ष, पंतप्रधानाचे आर्थिक सल्लागार म्हणून त्यांनी महत्त्वाची भूमिका बजावली.भारतीय राजकारणात अनेक स्थित्यंतरे झाल्यानंतर डॉ. मनमोहन सिंग यांनी काँग्रेस पक्ष उभा करण्यासाठी आणि काँग्रेस पक्षाचा चेहरा म्हणून स्वतःला सिद्ध केले.

सयमी नेता , अर्थतज्ञ, भारताचा काँग्रेसचा चेहरा व भारताचे पंतप्रधान म्हणून डॉ मनमोहन सिंग यांचे नाव नेहमीच स्मरणात राहील .

एम्स रुग्णालयात कॉग्रेसचे नेते दाखल

डॉ. मनमोहन सिंग यांच्या निधनानंतर रुग्णालयात राजकीय नेत्यांची धाव घेतली काँग्रेसच्या माजी अध्यक्षा सोनिया गांधी, राहुल गांधी, कॉग्रेसचे केंद्रीय अध्यक्ष मल्लिकार्जुन खरगे, प्रियंका गांधी यांनी एम्स रुग्णालयात धाव घेतली असून ते डॉक्टर मनमोहन सिंग यांच्या कुटुंबियांचे सांत्वन करणार आहेत.